七日七夜關西迷你食遊記(8)

大清早就要走啦，今日坐早機好辛苦。雖然有特急由京都出機場，都要六點鐘起身。

但係呢個關西之旅可以話非常盡興！
吓，冇食鱆魚燒？ 最後一日早餐食佢補番數...

鱆魚燒包

味道同鱆魚燒一樣0架... ...Read more

七日七夜關西迷你食遊記(7)

呢間旅館有幾個溫泉，好正~~! 天台係一個向住琵琶湖0既露天浴場，個景真係唔錯! 但係房間有D 舊，仲發現0左一隻小強{:2_32:} ，好彩俾我搞掂0左佢！

早餐稍為簡單一 D ，不過仍然係好多架生。今餐食飯，團友要屈就下啦，佢平時除0左包乜都唔食。


菜式有薯仔沙律、烤魚乾、溫泉蛋、漬物等


呢煲0野估下係乜? 未食落口之前真係估唔到...


...原來係一舊團碌碌0既豆腐。

烤魚乾，好快燶0左...


番到京都，就0係京都駅行下街順便睇下有乜手信，因為就黎要走啦... 行0左一陣就番之前間酒店攞行李，搬新酒店。跟住又到午餐時間，一黎冇乜搵資料，二黎為0左慳時間，就0係京都駅食迴轉壽司，不過都要等位等一陣。


坐低食0左一碟魚子，鹹0左D，海膽睇個樣已經唔得，溶哂！梗係唔要啦。

講係咁講，同樣係迴轉，點唔得都揮低香港0個D X綠X氣。而且呢度勝在條路軌係有門0既，唔驚一路轉一路有人噴口水落去... {:2_138:}

呆坐0左一陣，同同一碟牡丹蝦打0左三次招呼之後，覺得唔係辦法啦，唔可以再怕醜，就用我得三毫子咁多0既日文同個師傅落Order。0係日本食迴轉都係唔可以一味守株待兔，想食好D 要自己話事。呢一餐食0左燒穴子、拖羅鐵火卷等等12樣，有D OK 有D 麻麻。

下午帶團友去0左伏見稻荷大社，我地買0左張好姣0既粉紅色櫻花紋暖簾。回程到達巴士站時至發覺原來一個鐘至得一班；雖然好好彩只有十幾分鐘架車就到，但今日唔知做乜又凍又大風，企0係度吹兩分鐘變雪條都有份... {:2_102:} 巴士站旁恰恰有間Cafe，入去避避風先...

間Cafe 冇客，好安靜；木0既裝修感覺溫暖，咖啡機擦到令立立，播緊D 六七十年代靚歌，真係好舒服喎... {:2_72:} ，唔怪之得好多台灣書都係話去京都要泡咖啡室。

我飲0既焦糖味Cappucino (冇朱古力粉0既，星兩巴會叫佢做Caramel Latte)


番到京都駅就要落手買手信啦... 血併一回，坐低歇歇，去0左辻利飲呢杯0野...

抺茶Float

(我冇影相，呢張相係網上Download 黎充0既...)

冇第一次飲咁驚喜，但仍然係十分正... 稍稍補番前兩日去唔到都路里。

最後一日晚餐，反高潮，又係求其0係京都駅近鉄名店街一間日式西餐食奄Rice。

味道自然係冇特別。我諗我自已煮得好食D:smile_30: 。


隔離有間靚撻舖，順便欣賞一下咁靚0既撻..........模型先~~~



...Read more

七日七夜關西迷你食遊記(6)

早餐，包Again... 前一晚円山公園有東山花燈路，睇夜0左，買包冇乜選擇，團友買0左一條蟲咁都唔知乜0野包，我就食紀州梅飯糰，一個餅咁0既朱古力包就留番做茶點。



去嵐山，行完天龍寺及竹林，去到Toroko嵐山站，0岩0岩有個小食部，咁就買咖啡食茶點(個朱古力包)，又幫趁買咗個燒飯糰。咖啡都OK，不過個燒飯糰就似係「叮」0既.... 不過呢D 車站小店係咁上下。



此時有班香港人黎到，好嘈....

睇埋常寂光寺，淨番唔係好多時間啦，食D 0野再去坐小火車。求其路過一間就入0左去。

團友想試山菜Soba


我都好鐘意食山菜Soba 0架，經濟又好味，而且呢D 平0野香港反而好難食得到。以前慳遊日本時都係靠食山菜Soba 解決好多餐。

我就食筲箕冷麵(笊Soba) - 又係好鐘意食0既0野...



想食D甜0野，叫團友揀，點0左原味蕨餅



今日京都十分暖和，有D陽光，食一碟清涼甜品都幾0岩胃口。其實蕨餅本身係冇乜味，但係景隨心轉，食0野都唔係單單在於食物本身，時地人配合就得啦。

坐完嵐山小火車，又去0左金閣寺，夜晚去溫泉旅館。

日間遊玩又用多0左時間，但係去完溫泉我卜0左京都駅附近酒店方便走。好彩酒店肯俾我擺行李多一日，真好人，阿喱阿杜哥楂二孖薯... 唔駛托去新酒店！即刻坐火車，撲到入琵琶湖都已日落西山，血糖有D低，買樽0野飲下...



呢個配方太鬼馬: 炭酸乳性果汁飲料... 即係 果汁 + 益x多 + 汽水? 九州出品。如果0係香港賣會唔會得呢？都幾好飲 :P

溫泉旅館準備好多小食歡迎客人


佃煮


管房大嬸教用紫菜包住點豉油食... 吓！咁食法好易腎衰竭個喎....

溫泉煎餅


最搞鬼係自己0係間房度蒸饅頭... :lol


溫泉旅館晚餐就梗係豐富啦...呢度係其中一份。



魚生


各色小菜



原隻松葉蟹


都算剝得靚卦...


炭火燒

一份係近江牛肉 (唯一呢餐食牛肉)


另一份係海鮮，少D 因為呢份仲有一大煲地雞鍋，冇影到相


但係唔係好識燒，都唔知落牛油先定後尾至落...


單尾0個D 漬物吸物香物甘物


食到咁飽浸溫泉真係有害健康... ...Read more

七日七夜關西迷你食遊記(5)

神座拉麵對我0黎講太大碗啦，但係因為好好味，掃哂，搞到飽到第二朝。早餐只係食0左一個飯糰，另外個包(一個冬甩)就去到奈良睇完東大寺先至當茶點食0左。

當然除0左自己食既包，仲準備0左一磅低脂白麵包俾鹿仔食！{:2_121:}

抹茶朱古力冬甩(左)，蝦蛋黃醬飯糰(右)


大鄉里唔知紫菜係獨立包裝... {:2_123:}


奈良行耐0左，到達京都0既時間比計劃遲，已經過0左午飯時間，原本要去0既舖頭已經柵0左。

京都有D 舖頭就係咁有性格，唔係你話食就食，係你要去就佢唔係佢就你...{:2_78:}

再到附近搜索下，求其入0左一間食烏冬0既小店。烏冬上檯時睇睇，食材擺放同埋顏色配撘都好好，比Menu 幅相更靚，麵質亦非常有彈性；撈麵0既汁另上，味道好鮮。其實我係第一次食凍0既烏冬，都幾意外咁好味。

我0既天婦羅凍撈烏冬


後來睇番，呢一間小店係另一間京料理0既分支。係唔係因此D 烏冬都有高水準呢？

團友0既炸蝦定食


D 炸蝦非常新鮮彈牙。

行完清水寺，對腳好鬼攰。本來諗住去祗園都路里食個甜品，點知間0野搬0左去隔離街，去到又排長龍，咁就算啦。

好彩食唔倒咋，因為卜0左跟住食蟹，原來好飽肚0既，食完撐到有D 辛苦...

首先係開胃菜(真係一兜菜...) 同埋有一Pat 蟹膏0既豆腐


松葉蟹腳刺身


燒鱈場蟹腳


釀松葉蟹蓋


鱈場蟹Suki


雜炊


甜品係蜜瓜



食完飽到嘔，去行八坂神社同円山公園。神社門口通常有好多小食檔，多數係燒Soba、鱆魚燒之類。今次見到呢樣 - 燒竹之子(竹筍)，似乎比一般小食有詩意。


如果唔係飽到咁，一定會買0黎試下。 ...Read more