時差問題一早醒0左，不過攪攪下都9點幾至出門口，諗住去Lansdowne Mall行下，誤打誤撞去0左另一邊，見到間金都茶餐廳都幾多人，咁就入去食0左個A餐。團友話好奇怪，因為由入門口開始已經係廣東話對荅，播緊無記晚間新聞，感覺如同冇搭過飛機。
個A餐好好味，加拿大D火腿雞蛋都好味D，不過係貴D同埋太大份啦，早知唔要個通粉就差唔多。卒知我飽到夜晚都唔多食得落嘢。
之後又去搵Lansdowne，由於唔識路行到冇雷公咁遠，原來由酒店後門出過條馬路就係，激死。
係Lansdowne攪下0野又買0左D生果小食準備第二日出發去Rockies，然後就坐巴士去漁人碼頭。
Steveston0係烈治文0既西南邊角落上面，由Sheraton坐巴士可以唔駛轉車25分鐘就到。其實唔係好旺，只係好多漁船同埋圖片裏面0既一列餐廳禮品店，另外有漁夫0係度賣蝦賣三文魚(三文魚唔係0係河捉0既咩...?)。我地由上巴士開始，天氣一路由毛毛細雨變成陽光普照。行吓Board Walk，吹吓海風，呢個行程好舒服呀~~!
當然唔少得食Fish n Chips (雖然個A餐仲未落格)。我地揀0左Pajo's，又真0係幾好味喎，外脆內軟新鮮又惹味，
...Read more
No comments:
Post a Comment